Салт-дәстүр – ұрпақты тәрбиелеуші құрал

Қазақта «Алты жыл аш болсаң да, атаңның салтын ұмытпа» деген мақал бар. Осы ұлттық құндылығымызда ұрпақ тәрбиесінің қайнар көзі жатыр. Бұрынғы заманда ата-бабаларымыздан мұра боп қалған салт-дәстүрлеріміз әрдайым игі мақсаттар үшін қолданыста болған. Бұл дәстүрді бүгінде бірі білсе, біріне таңсық. Ұлтымыздың өміршең жасауы үшін бүгінгі ұрпақ санасына ұлттық құндылығымызды сіңіру, жөн-жоралғылармен таныстыру керек деген оймен сахналық қойылым жинағын ұсынып отырмын. Бұл – мұғалімге көмекші құрал, тақырыпқа байланысты өтілетін сабақ барысында, тәрбие сағатында қойылатын сахналық қойылым.