Мектеп жасына дейінгі балалардың сөйлеу тілін дамыту

. Мектеп жасына дейінгі бала бастапқы дамуында сөздерді үлкендерден практикалық еліктеу жолымен үйренеді. Үлкендердің басшылығымен айналадағы заттарды танып біледі, яғни алғашқы сөздік қоры олардың сөзін қайталаумен, заттардың алдымен атын, кейін дәмін, иісін, түрін, формасын, басты қасиеттерін ажыратуға үйренумен болады. Үлкеннің сөзіне қарап олар өз сөздерін дұрыстайды. Егер тәрбиеші баланың табиғи сөйлеуі неғұрлым қарқынды болатын жағдай жасаса, онда баланың тілі солғұрлым тезірек байиды және оның психикасы жан-жақты дамиды.