Қазақ тілі сабақтарында тілдік ортаны туғызу әдістемесі - оқушы сауаттылығын қалыптастырудың құралы

Қазақ тілі сабағында тілдік ортаны туғызу үшін қандай әдіс-тәсілдерді қолдануға болады. Оқу орыс тілінде жүргізілетін мектептерде оқушының тілін дамыту лексикалық және грамматикалық тұлғаларды меңгерту, оларды сөйлемде қолдану дағдыларын қалыптастыру арқылы тілдік әрекетке жетелеу болып табылады. Қазақ тілін оқытуға байланысты тіл дамыту жұмысын ұйымдастырудың негізгі мақсаты-оқушылар белгілі бір дәрежеде қазақша сөйлеп, өз ойын басқа біреуге жеткізе алатындай, сондай-ақ өзгенің сөзін ұға, түсіне алатындай деңгейге жету. Оқушыларды осындай деңгейге жеткізу үшін тілді жеке сөз түрінде емес, сөйлем түрінде үйреткен тиімді.