Болашақ оқытушының кәсіби бейімділігін қалыптастыру жолдары

Тәуелсіз ел тірегі – білімді ұрпақ десек, жаңа дәуірдің күн тәртібінде тұрған келелі мәселе – білім беру, ғылымды дамыту, өркениет біткеннің өзегі, білім, ғылым, тәрбие екендігіне ешкімнің таласы жоқ. Жас ұрпаққа сапалы тәрбие беру және сапалы білім беру деңгейі алдымен оқытушының даярлығына, оның іс-тәрбиесінің қалыптасып шыңдалуына байланысты. Демек, болашақ оқытушының психологиясы, кәсіптік даярлығы, этикалық- педагогтік қарым-қатынасы қай кезеңде болсын білім саласының алғы шарты ретінде бағаланады.