Оқу-тәрбие үдерісіне ізгілік педагогикасын енгізудің маңызы мен қажеттілігі

Бүгінгі күні ғылымды, білімді ізгілендіру мәселесі – өзекті мәселелердің қатарынан орын алып отыр. Өйткені ғылым мен техниканың қарқынды дамыған тұсында адамдар білімнің күшін тек жақсылыққа, игі істерге ғана жұмсамай, жамандық пен қатігездікке, бас пайдасын ойлауға да бағыттауда. Сондықтан да жастарға академиялық білім берумен қатар, ізгілік білімін де бойларына сіңіруіміз қажет. Олар айналасындағы жанды-жансыздың бәріне сүйіспеншілікпен, адамгершілікпен қарап өсуі тиіс. Бұл жолда ұстаздардың алдындағы міндет жоғары әрі жауапты.