Салт-дәстүр байлығы - мәдениет байлығы

Қазақ халқына өзінің бұрыннан ұрпақтан-ұрпаққа жалғасып келе жатқан, жас буынға көп тәрбие, өнеге беретін салт-дәстүрі , өзінің мәдениеті тән.Ең алдымен мәдениет сөзіне тоқталатын болсақ, мәдениет – кеңінен қолданылып, күнделікті тұрмыста жиі айтылып жүрген сөз. Адамзаттың ертеден өмір сүріп келе жатқанындай мәдениет те ертеден келеді. Мәдениет – деген сөз өзінің толық мағынасында адамның өз қолымен, ақыл-ойымен жасағандары және жасап жатқандарының бәрін түгел қамтиды. Жай ғана сауат ашудан және тазалық ережелерін сақтаудан бастап, өмірдің асқан үлгілі шығармаларын жасағанға дейінгі ұғымды қамтып жатқан – мәдениет саласының өрісі кең.